മാള: സെന്റ് സ്റ്റനിസ്ലാവോസിന്റെ നാമധേയത്തിലുള്ള മാള ഫൊറോന ദേവാലയത്തിലെ വി. അന്തോണീസിന്റെ തിരുനാളിന് കൊടിയേറി. ഫൊറോന വികാരി ഫാ. പയസ് ചിറപ്പണത്ത് കൊടിയേറ്റി. ഈ മാസം 23 വരെ നിത്യേന വൈകിട്ട് 5.30ന് വി. കുര്‍ബ്ബാന, സന്ദേശം, ലദീഞ്ഞ്, നൊവേന നടക്കും. വികാരിമാര്‍ ചടങ്ങുകള്‍ക്ക് നേതൃത്വം നല്‍കും. ഈമാസം 22 വെള്ളിയാഴ്ച ഇടവകയിലെ 1500 ഓളം ഭവനങ്ങളില്‍ ഉത്പാദിപ്പിച്ച പച്ചക്കറി കാഴ്ച സമര്‍പ്പണം നടക്കും. 24ന് രാവിലെ 6.45 ന് വി. കുര്‍ബാന, നേര്‍ച്ചപായസം, ഊട്ടുനേര്‍ച്ച വെഞ്ചിരിപ്പ്, നേര്‍ച്ചസദ്യ വിതരണം, 10 മണിക്ക് തിരുനാള്‍ ദിവ്യബലി നടക്കും. ഇത്തവണ പതിനായിരം പേര്‍ ഊട്ടുനേര്‍ച്ചയില്‍ പങ്കെടുക്കുമെന്ന് സംഘാടക സമിതി ഭാരവാഹികള്‍ അറിയിച്ചു