നെയ്യാറ്റിന്‍കര: ഗൗരി ലങ്കേഷ് വധത്തില്‍ പ്രതിഷേധിച്ച് കെ.പി.സി.സി വിചാര്‍ വിഭാഗിന്റെ ആഭിമുഖ്യത്തില്‍ നെയ്യാറ്റിന്‍കരയില്‍ പ്രതിരോധ കൂട്ടായ്മ സംഘടിപ്പിച്ചു. വിവിധ രാഷ്ട്രീയ കക്ഷികളുടെ പ്രതിനിധികളും സ്വതന്ത്ര സാംസ്‌കാരിക പ്രവര്‍ത്തകരും കൂട്ടായ്മയില്‍ പങ്കെടുത്തു.
നേമം ബ്ലോക്ക് പഞ്ചായത്ത് മുന്‍ പ്രസിഡന്റ് അഡ്വ. എം. മണികണ്ഠന്‍ ഉദ്ഘാടനം ചെയ്തു. പുരോഗമന കലാ-സാഹിത്യ സംഘം ഏരിയാ സെക്രട്ടറി കെ.ആര്‍ രാജന്‍, കവി ഹരി ചാരുത, യുവ കവി സുമേഷ് കൃഷ്ണ, വിനോദ് സെന്‍, മാരായമുട്ടം സുരേഷ്, ജോസ് ഫ്രാങ്കിലിന്‍, അവനീന്ദ്രകുമാര്‍, സി. റാബി, നഗരവികസന സമിതി ചെയര്‍മാന്‍ ഓലത്താന്നി അനില്‍, അഡ്വ. ആര്‍. അജയകുമാര്‍, മാരായമുട്ടം രാജേഷ്, ചെങ്കല്‍ റജി, ആര്‍.ഒ അരുണ്‍, ഗ്രാമം പ്രവീണ്‍ സംബന്ധിച്ചു.