ന്യൂഡല്‍ഹി: മലയാളികളെക്കുറിച്ച് താന്‍ പറഞ്ഞ കാര്യങ്ങള്‍ സുഖിപ്പിക്കലല്ലെന്ന് ജസ്റ്റിസ് മാര്‍ക്കണ്ഡേയ കട്ജു. മലയാളികളെ പുകഴ്ത്തിയുള്ള തന്റെ കുറിപ്പിന് വിശദീകരണം നല്‍കിയാണ് കട്ജു വീണ്ടും ഫേസ്ബുക്കില്‍ കുറിപ്പെഴുതിയത്. വോട്ടിനു വേണ്ടിയല്ല അതൊന്നും പറഞ്ഞത്.
കേരളത്തിലോ മറ്റെവിടേയെങ്കിലുമോ തിരഞ്ഞെടുപ്പില്‍ മത്സരിക്കാന്‍ തനിക്ക് ഉദ്ദേശ്യമില്ലെന്നും കട്ജു വ്യക്തമാക്കി. ബഹുസ്വര ഇന്ത്യയുടെ സമ്പൂര്‍ണ പ്രതിനിധികള്‍ നിങ്ങളാണ്. വടക്കന്‍ അമേരിക്ക പോലെ വിവിധ സ്ഥലങ്ങളില്‍ നിന്ന് കുടിയേറിയവരാണ് ഇന്ത്യക്കാര്‍. ഇന്ത്യയുടെ സത്ത നിങ്ങളിലാണ് ഞാന്‍ കണ്ടത്. അത് കൊണ്ട് നിങ്ങളാണ് ഇന്ത്യക്കാരില്‍ ഏറ്റവും മികച്ചവര്‍. എല്ലാ ഇന്ത്യക്കാരും നിങ്ങളെ കണ്ടാണ് പഠിക്കേണ്ടതെന്ന് പറഞ്ഞ കട്ജു കേരളക്കാര്‍ നീണാള്‍ വാഴട്ടെയെന്ന് പറഞ്ഞാണ് അവസാനിപ്പിക്കുന്നത്