ന്യൂഡല്‍ഹി: രാജ്യത്തെ ഏറ്റവും വലിയ രണ്ടാമത്തെ കാര്‍ നിര്‍മാതാക്കളായ ഹ്യൂണ്ടായ് കാറുകള്‍ക്ക് വില വര്‍ധിപ്പിച്ചു. ജി.എസ്.ടി പ്രാബല്യത്തില്‍ വന്നതുമൂലമാണ് വില വര്‍ധന. വിവിധ മോഡലുകള്‍ക്കായി 84,867 രൂപയാണ് വര്‍ധിപ്പിച്ചത്. 1.4 ലിറ്റര്‍ പെട്രോള്‍ ഓട്ടോമാറ്റിക് വാരിയന്റുകള്‍ക്കാണ് വില വര്‍ധന ബാധകമാവുക.

ഇതു പ്രകാരം എലൈറ്റ് i20 മോഡലിന് 12,547 രൂപയാണ് വര്‍ധിച്ചത്. ജി.എസ്.ടിയിലെ സെസ് നിരക്ക് വര്‍ധനവാണ് കാറുകളുടെ വില ഉയരാനും കാരണമെന്ന് ഹ്യൂണ്ടായ് അറിയിച്ചു. സെപ്റ്റംബര്‍ 11 മുതലാണ് വില വര്‍ധന പ്രാബല്യത്തില്‍ വന്നത്.

വെര്‍ണക്ക് 29,090 രൂപയും ക്രെറ്റക്ക് 20900 മുതല്‍ 55,375 രൂപയും വരെ വില വര്‍ധനവുണ്ട്. ഫിയറ്റും തങ്ങളുടെ പുതിയ മോഡലായ ജീപ്പിന് വില വര്‍ധിപ്പിച്ചിട്ടുണ്ട്.