ന്യൂഡല്‍ഹി: അല്‍ഖാഇദ ഭീകരനെന്ന സംശയത്തില്‍ ബ്രിട്ടീഷ് പൗരനെ ഡല്‍ഹി പൊലിസിന്റെ പ്രത്യേക സംഘം അറസ്റ്റ് ചെയ്തു. കിഴക്കന്‍ ഡല്‍ഹിയിലെ വികാസ് മാര്‍ഗില്‍ വച്ചാണ് ഷൗമന്‍ ഹഖ് എന്നയാളെ അറസ്റ്റ് ചെയ്തതെന്ന് പൊലിസ് അറിയിച്ചു.
ബംഗ്ലാദേശില്‍നിന്ന് ഇന്ത്യയിലേക്ക് എത്തിയ ഇയാള്‍ രഹസ്യവിവരത്തിന്റെ അടിസ്ഥാനത്തിലാണ് പിടിയിലായത്.
എന്നാല്‍ മ്യാന്മറില്‍ നിന്നുള്ള റോഹിംഗ്യന്‍ അഭയാര്‍ഥികള്‍ക്കൊപ്പമാണ് ഷൗമന്‍ എത്തിയതെന്നതിന് വ്യക്തമായ തെളിവ് ലഭിച്ചിട്ടില്ലെന്ന് ഡല്‍ഹി പൊലിസിലെ പ്രത്യേക സംഘം ഡി.സി.പി പി. കുശ്‌വാഹ വാര്‍ത്താസമ്മേളനത്തില്‍ അറിയിച്ചു.