കൊയിലാണ്ടി: അക്വേറിയത്തിലെ മത്സ്യം മോഷ്ടിച്ചെന്നാരോപിച്ച് ഒന്‍പതാം ക്ലാസ് വിദ്യാര്‍ഥിയെ മര്‍ദിച്ചതായി പരാതി.
ഇന്നലെ വൈകിട്ടാണ് സംഭവം. കൊയിലാണ്ടി തെരുവില്‍ പ്രവര്‍ത്തിക്കുന്ന അലങ്കാര മത്സ്യങ്ങളും, അക്വോറിയവും വില്‍പ്പന നടത്തുന്നവരാണ് മര്‍ദിച്ചതെന്നാണ് പരാതി. രണ്ട് പേര്‍ ചേര്‍ന്ന് കുട്ടിയെ ക്രൂരമായി മര്‍ദിക്കുന്നതായി കൊയിലാണ്ടി പൊലിസില്‍ വിവരം ലഭിക്കുകയായിരുന്നു.
പന്തലായനി മാതിരാംവള്ളി പുറത്തോട് ബാലകൃഷ്ണന്‍ ( 51) , തിരുനടപറമ്പില്‍ ഹൗസില്‍ രാജേഷ് (34) എന്നിവര്‍ക്കെതിരേ പൊലിസ് കേസെടുത്തു.