റിയാദ്: പ്രവാസലോകത്തെ ജോലിവഴി സ്വന്തം നാടിനെക്കാള്‍ കൂടുതല്‍ വരുമാനം നല്‍കുന്ന രാജ്യങ്ങളുടെ പട്ടികയില്‍ അറബ് രാജ്യങ്ങള്‍ മുന്‍പന്തിയില്‍. ആദ്യ പത്തില്‍ മൂന്നു മുതല്‍ ആറു വരെയുള്ള സ്ഥാനങ്ങള്‍ കൈവശപ്പെടുത്തിയിരിക്കുന്നത് പശ്ചിമേഷ്യന്‍ രാജ്യങ്ങളാണ്. മറ്റു രാജ്യങ്ങളെ അപേക്ഷിച്ച് അറബ് രാജ്യങ്ങളാണ് പ്രവാസികള്‍ക്ക് കൂടുതല്‍ വരുമാനമുണ്ടാക്കി കൊടുക്കുന്നതെന്നാണു കണക്ക്.
പ്രവാസികള്‍ ഏറ്റവും കൂടുതല്‍ സമ്പാദ്യമുണ്ടണ്ടാക്കുന്ന വിദേശരാജ്യങ്ങളില്‍ അറബ് ലോകത്തുനിന്ന് ഖത്തറാണ് ഒന്നാം സ്ഥാനത്ത്. പട്ടികയില്‍ മൂന്നാം സ്ഥാനത്താണിത്. കുവൈത്ത്, ബഹ്‌റൈന്‍, സഊദി അറേബ്യ എന്നിങ്ങനെയാണു പട്ടികയില്‍ തുടര്‍ന്നുള്ള സ്ഥാനങ്ങളിലുള്ളത്.
യൂറോപ്യന്‍ രാജ്യമായ ലക്‌സംബര്‍ഗ് ആണു പട്ടികയില്‍ ഒന്നാം സ്ഥാനത്ത്. രണ്ടണ്ടാം സ്ഥാനത്ത് സ്വിറ്റ്‌സര്‍ലന്‍ഡാണ്. നൈജീരിയ, യു.എ.ഇ, നോര്‍വേ, സിംഗപ്പൂര്‍ തുടങ്ങിയ രാജ്യങ്ങളാണ് ആദ്യപത്തില്‍ യഥാക്രമം ഇടംനേടിയിരിക്കുന്നത്.
ആഗോളാടിസ്ഥാനത്തില്‍ 188 രാജ്യങ്ങളിലെ പന്ത്രണ്ടണ്ടായിരത്തിലധികം പ്രവാസികളില്‍നിന്നു ശേഖരിച്ച വിവരത്തിന്റെ അടിസ്ഥാനത്തില്‍ 'ബിസിനസ് ഇന്‍സൈഡര്‍' എന്ന വെബ്‌സൈറ്റാണ് റിപ്പോര്‍ട്ട് പുറത്തുവിട്ടത്.
തങ്ങളുടെ രാജ്യത്തുനിന്നു സമ്പാദിക്കുന്നതിനെക്കാള്‍ കൂടുതല്‍ പണം പ്രവാസ ജോലിവഴി സമ്പാദിക്കാന്‍ കഴിഞ്ഞതായി 166 രാജ്യങ്ങളിലെ പൗരന്മാര്‍ സാക്ഷ്യപ്പെടുത്തുന്നു.