മങ്കട: ഉപജില്ലാ സ്‌കൂള്‍ ഗെയിംസ് ഫെസ്റ്റിവെലിന്റെ ഭാഗമായി അങ്ങാടിപ്പുറം പോളിടെക്‌നിക് ഗ്രൗണ്ടില്‍ നടന്ന ജൂനിയര്‍ ഫുട്‌ബോള്‍ ചാമ്പ്യന്‍ഷിപ്പില്‍ തിരൂര്‍ക്കാട് എ.എം ഹൈസ്‌കൂള്‍ വിജയിച്ചു. ചെറുകുളമ്പ് ഐ.കെ.ടി. ഹയര്‍ സെക്കന്‍ഡറി സ്‌കൂളിനെ എതിരില്ലാത്ത ഒരു ഗോളിനാണു പരാജയപ്പെടുത്തിയത്. സീനിയര്‍ പി.ടി അധ്യാപകന്‍ മുഹമ്മദ് സലീം ട്രോഫികള്‍ വിതരണം ചെയ്തു.
ചടങ്ങില്‍ ഉപജില്ലാ സെക്രട്ടറി സജന്‍ദാസ്, പൗലോസ് എന്നിവര്‍ സംസാരിച്ചു.