കൊളത്തൂര്‍: ചെറുകുളമ്പ് കെ.എസ്.കെ.എം യു.പി സ്‌കൂള്‍ വിദ്യാര്‍ഥികള്‍ സ്വാതന്ത്ര്യ ദിനാഘോഷത്തിന്റെ  ഭാഗമായി നടത്തിയ 'പ്രതീകാത്മക ദണ്ഡിയാത്ര' കൗതുകമുണര്‍ത്തി. സ്‌കൂളില്‍ നിന്ന് തുടങ്ങിയ റാലിയില്‍ ഗാന്ധിജിയെയും 78 അനുയായികളെയും വിദ്യാര്‍ഥികള്‍  അവതരിപ്പിച്ചു.
റാലിക്ക് ചട്ടിപ്പറമ്പ് ജങ്ഷനില്‍  വ്യാപാരി വ്യവസായി ഏകോപന സമിതിയുടെ ആഭിമുഖ്യത്തില്‍ ഊഷ്മള സ്വീകരണം നല്‍കി. സ്‌കൂളിലെ സാമൂഹ്യ ശാസ്ത്ര, ഗാന്ധി ദര്‍ശന്‍,സ്‌കൗട്ട് ആന്‍ഡ് ഗൈഡ് തുടങ്ങിയ ക്ലബുകളുടെ ആഭിമുഖ്യത്തിലാണ് പരിപാടി സംഘടിപ്പിച്ചത്.