മങ്കട: താലൂക്കാശുപത്രി കെട്ടിടത്തിന്റെ മുകളിലത്തെനില നിര്‍മിക്കുന്നതിനു ഭരണാനുമതി ലഭിച്ചതായി ടി.എ അഹമ്മദ് കബീര്‍ എം.എല്‍.എ അറിയിച്ചു. എം.എല്‍.എയുടെ 2015- 16 വര്‍ഷത്തെ ആസ്ഥി വികസന ഫണ്ടുപയോഗിച്ചു ഒരു കോടി രൂപയുടെ കെട്ടിടം നിര്‍മിക്കാനാണ് ഭരണാനുമതിയായത്.
സി.എച്ച്.സിയായിരുന്ന മങ്കട ആശുപത്രി താലൂക്കാശുപത്രിയായി ഉയര്‍ത്തിയ സാഹചര്യത്തില്‍ പുതിയ കെട്ടിടനിര്‍മാണം ആശുപത്രിയുടെ അടിസ്ഥാന വികസനത്തിനു വഴിവെക്കുമെന്നും എം.എല്‍.എ അറിയിച്ചു. കഴിഞ്ഞ യു.ഡി.എഫ് സര്‍ക്കാറിന്റെ കാലത്താണ് താലൂക്കാശുപത്രിയായി ഉയര്‍ത്തിയത്.