തൊടുപുഴ: സ്ത്രീയെ പെട്രോള്‍ ഒഴിച്ച് തീ കൊളുത്തി വധിക്കാന്‍ ശ്രമിച്ചെന്നു പരാതി. കരിമണ്ണൂരില്‍ റ്റീ ഷോപ്പ് നടത്തുന്ന ചക്കാലക്കല്‍ റോസ്്‌ലിനാണ് പരിക്കേറ്റത്. സംഭവത്തില്‍ കരിമണ്ണൂര്‍ സ്വദേശി നെല്‍സനെതിരേ പൊലിസില്‍ പരാതി നല്‍കി. ഓണ്‍ലൈന്‍ മാര്‍ക്കറ്റ് ബിസിനസുമായി ബന്ധപ്പെട്ട് ഇരുവരും തമ്മില്‍ തര്‍ക്കമുണ്ടായിരുന്നു.
ഇത് സംബന്ധിച്ച് ഇന്നലെയും തര്‍ക്കമുണ്ടാവുകയും നെല്‍സണ്‍ സ്വന്തം ദേഹത്തും റോസ്്‌ലിന്റെ ദേഹത്തും പെട്രോള്‍ ഒഴിക്കുകയായിരുന്നു. സംഭവം കണ്ട് ഓടിക്കൂടിയ നാട്ടുകാര്‍ നെല്‍സനെ ബലപ്രയോഗത്തിലൂടെ പിടിച്ചു മാറ്റി.