കോട്ടയം: ജില്ലയില്‍ വെള്ളപ്പൊക്കം റിപ്പോര്‍ട്ട് ചെയ്തിട്ടുള്ള അയ്മനം, വേളൂര്‍, തിരുവാര്‍പ്പ്, ചെങ്ങളം സൗത്ത് എന്നീ വില്ലേജുകളിലെ സ്‌കൂളുകള്‍ക്ക് ഇന്ന് ജില്ലാ കലക്ടര്‍ അവധി പ്രഖ്യാപിച്ചു.
മീനച്ചില്‍ താലൂക്കിലെ കിടങ്ങൂര്‍ പിറയാര്‍ ഗവ. എല്‍.പി.എസ്, കോട്ടയം താലൂക്കിലെ ചെങ്ങളം സൗത്ത് സെന്റ് ജോണ്‍സ് എല്‍.പി. സ്‌കൂള്‍, തിരുവാര്‍പ്പ് ഗവ. യു.പി.എസ്, ആര്‍പ്പൂക്കര കുമരംകുന്ന് സി.എം.എസ് എല്‍.പി.എസ്, മണര്‍കാട് വില്ലേജിലെ 166 കുഴിപ്പുരയിടം അങ്കണവാടി, പറമ്പുകര അംബേദ്കര്‍ കോളനി, പെരുമ്പായിക്കാട് വില്ലേജിലെ പള്ളിപ്പുറം പാരീഷ് ഹാള്‍ എന്നീ കേന്ദ്രങ്ങളില്‍ ദുരിതാശ്വാസ ക്യാമ്പുകള്‍ തുറന്നു. 26 കുടുംബങ്ങളില്‍ നിന്നുള്ള 156 പേരെ മാറ്റിപ്പാര്‍പ്പിച്ചിട്ടുണ്ട്.