പാലക്കാട് : എസ്.വൈ.എസ് ജില്ലാകമ്മിറ്റി സംഘടിപ്പിക്കുന്ന ഹിജ്‌റ സെമിനാറും ശാഖാ, മദ്‌റസ, മഹല്ല് തലങ്ങളില്‍ മജ്‌ലിസുന്നൂര്‍ ആത്മീയ സദസ്സുകള്‍ക്ക് നേതൃത്വം നല്‍കുന്ന അമീറുമാരുടെ ജില്ലാ സംഗമവും ഈ മാസം 26നു രാവിലെ 10.30നു പട്ടാമ്പി ഖലീഫ പാലസില്‍ നടക്കും. സമസ്ത ജില്ലാ പ്രസിഡന്റ് സയ്യിദ് പി.കെ ഇമ്പിച്ചിക്കോയ തങ്ങള്‍ അധ്യക്ഷനാകും. ഹസന്‍ സഖാഫി പൂക്കോട്ടൂര്‍ മുഖ്യപ്രഭാഷണം നിര്‍വഹിക്കും. സയ്യിദ് അബ്ദുറഹിമാന്‍ ജിഫ്‌രി തങ്ങള്‍ വല്ലപ്പുഴ, ഇ.അലവി ഫൈസി കുളപറമ്പ്, ജി.എം സ്വലാഹുദ്ധീന്‍ ഫൈസി വല്ലപ്പുഴ, സി.മുഹമ്മദലി ഫൈസി കോട്ടോപ്പാടം, എം.ടി മുസ്തഫ അഷ്‌റഫി കക്കുപ്പടി, എന്‍.ഹബീബ് ഫൈസി കോട്ടോപ്പാടം, അബ്ദുല്‍ അസീസ് ഫൈസി ദേശമംഗലം, സയ്യിദ് ഹസന്‍ തങ്ങള്‍ കൊപ്പം, എന്‍. സൈതലവി മുസ്‌ലിയാര്‍, കെ.സി അബൂബക്കര്‍ ദാരിമി പ്രസംഗിക്കും. മുഴുവന്‍ അമീറുമാരും സംബന്ധിക്കണമെന്ന് ജില്ലാജനറല്‍ സെക്രട്ടറി ടി.കെ മുഹമ്മദ്കുട്ടി ഫൈസി കരുവാന്‍പടി അഭ്യര്‍ഥിച്ചു.