തിരുവനന്തപുരം: ഈ വര്‍ഷത്തെ സൂര്യാ ഫെസ്റ്റിവലിന് നാളെ ടാഗോര്‍ തിയേറ്ററില്‍ തിരശീല ഉയരും.
സൂര്യാകൃഷ്ണമൂര്‍ത്തി സംവിധാനം ചെയ്ത തമസോമാ ജ്യോതിര്‍ഗമയ പരിപാടി, സൂര്യ എന്ന കലാസംഘടന, വേലുത്തമ്പിദളവ ലൈറ്റ് ആന്റ് സൗണ്ട് ഷോ, തിയേറ്റര്‍ ഓഫ് ഫ്രീഡം എന്നിവയുടെ നാല്‍പതാം വാര്‍ഷികാഘോഷത്തോടെയാണ് ഈ വര്‍ഷത്തെ സൂര്യാഫെസ്റ്റിവല്‍ തുടങ്ങുന്നത്. സൂര്യാ കൃഷ്ണമൂര്‍ത്തിയുടെ രചനകളിലും അവതരണങ്ങളിലും നിത്യസാന്നിധ്യമായ അമ്മു എന്ന കഥാപാത്രത്തെ അവതരിപ്പിച്ചിട്ടുള്ള 15 കലാകാരികള്‍ ചേര്‍ന്ന് തിരിതെളിക്കും. തുടര്‍ന്ന് അമ്മു സാനിധ്യവും സാമീപ്യവും എന്ന ലഘു ചിത്രം പ്രദര്‍ശിപ്പിക്കും.
21 മുതല്‍ ഒക്‌ടോബര്‍ 10 വരെ ഫിലിംഫെസ്റ്റിവല്‍ നടക്കും. മിന്നാമിനുങ്ങ് ആണ് ഉദ്ഘാടനച്ചിത്രം. ഒക്ടോബര്‍ ഒന്ന് മുതല്‍ പത്ത് വരെ നടക്കുന്ന നൃത്തസംഗീത മേള. കെ.ജെ യേശുദാസ് സംഗീതക്കച്ചേരി അവതരിപ്പിക്കും. ജനുവരി 11ന് ഫെസ്റ്റിവല്‍ സമാപിക്കും.