കല്‍പ്പറ്റ: മദ്യവിരുദ്ധ ജനകീയ മുന്നണി, ലഹരി നിര്‍മാര്‍ജന സമിതി എന്നിവയുടെ സംയുക്താഭിമുഖ്യത്തില്‍ ഇന്ന് കല്‍പ്പറ്റ പഴയ ബസ് സ്റ്റാന്‍ഡ് പരിസരത്ത് ഉപവാസം നടത്തും.
സര്‍ക്കാര്‍ മദ്യനയം തിരുത്തണമെന്ന ആവശ്യവുമായി സംസ്ഥാന വ്യാപകമായി നടത്തുന്ന പ്രക്ഷോഭത്തിന്റെ ഭാഗമാണ് ഉപവാസം. രാവിലെ 10ന് ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത് ഉദ്ഘാടനം ചെയ്യും.
മദ്യത്തില്‍നിന്നും മറ്റു ലഹരികളില്‍ നിന്നും നാടിനെ മോചിപ്പിക്കാനുള്ള പോരാട്ടത്തില്‍ എല്ലാവരും പങ്കെടുക്കണമെന്ന് സംഘാടക സമിതി പ്രതിനിധി അബു ഗൂഡലായ് അഭ്യര്‍ഥിച്ചു.