കണ്ണൂര്‍: നാളെ വൈകുന്നേരം മൂന്നിന് കണ്ണൂര്‍ ജവഹര്‍ ഓഡിറ്റോറിയത്തില്‍ നടക്കുന്ന 'ശരീഅത്തും കോടതിയും' വിശദീകരണ സമ്മേളനത്തിലും റോഹിംഗ്യന്‍ മുസ്‌ലിംകള്‍ക്ക് വേണ്ടിയുള്ള പ്രാര്‍ഥനാ സംഗമത്തിലും പങ്കെടുത്ത് പരിപാടി വന്‍ വിജയമാക്കാന്‍ സമസ്ത നേതാക്കളായ പി.കെ.പി അബ്ദുസ്സലാം മുസ്‌ലിയാര്‍, പി.പി ഉമര്‍ മുസ്‌ലിയാര്‍, മാണിയൂര്‍ അഹമ്മദ് മുസ്‌ലിയാര്‍, ടി.എസ് ഇബ്രാഹിം മുസ്‌ലിയാര്‍ എന്നിവര്‍ ആഹ്വാനം ചെയ്തു.
സമ്മേളനത്തിന്റെ പ്രചാരണാര്‍ഥം നടന്ന മാടായി മണ്ഡലം കണ്‍വന്‍ഷന്‍ സ്വഫ്‌വാന്‍ തങ്ങളുടെ അധ്യക്ഷതയില്‍ എം.കെ അബ്ദുല്ല ഹാജി ഉദ്ഘാടനം ചെയ്തു. ബദ്‌റുദ്ധീന്‍, ഫാറൂഖ്, മാട്ടൂല്‍, അബ്ദുല്‍ഖാദര്‍ ചെറുകുന്ന്, സലാം മാടായി, വി.പി.പി ഹമീദ്, ഇ.വി അബ്ദുല്‍ കരീം മൗലവി, ജലീല്‍ മുട്ടം സംസാരിച്ചു.
കൂത്തുപറമ്പ് മണ്ഡലം കണ്‍വന്‍ഷന്‍ ജുനൈദ് സഅദിയുടെ അധ്യക്ഷതയില്‍ റഈസ് ഫൈസി ഉദ്ഘാടനം ചെയ്തു. കെ.വി ആബൂട്ടി ഹാജി, ഉമ്മര്‍ മാനന്തേരി, ദാവൂദ്, അബ്ദുല്ല ഫൈസി, പി.കെ ഷംസു, അലി ഹാജി കണ്ണവം, അഹ്മദ് കുട്ടി ഹാജി സംസാരിച്ചു.
ഇരിക്കൂര്‍ മണ്ഡലം കണ്‍വന്‍ഷന്‍ ഉമര്‍ഹാജിയുടെ അധ്യക്ഷതയില്‍ സത്താര്‍ വളക്കൈ ഉദ്ഘാടനം ചെയ്തു. സലാം ഇരിക്കൂര്‍, ഹബീബ് തങ്ങള്‍, ഷൗഖത്തലി അസ്അദി, മുത്തലിബ് ഫൈസി, കരീം ബാഖവി, മുഹമ്മദ് മൗലവി, നൗഷാദ് ഇരിക്കൂര്‍, മുസ്തഫ അമാനി സംസാരിച്ചു.