കണ്ണൂര്‍: തിരുവനന്തപുരത്ത് നടന്ന 29ാമത് ദക്ഷിണമേഖല അത്‌ലറ്റിക് മീറ്റില്‍ കേരളത്തിന് വേണ്ടി മെഡല്‍ നേടിയ ഏളയാവൂര്‍ സി.എച്ച്.എം ഹയര്‍ സെക്കന്‍ഡറി സ്‌കൂളിലെ മുഹമ്മദ് അഫ്ഷാന്‍, വിഷ്ണു ബിജു എന്നിവര്‍ക്ക് കണ്ണൂര്‍ റെയില്‍വേ സ്‌റ്റേഷനില്‍ സ്വീകരണം നല്‍കി. അഫ്ഷാന് 10 കിലോമീറ്റര്‍ നടത്തത്തിലും വിഷ്ണുവിന് 200 മീറ്റര്‍ ഓട്ടത്തിലുമാണ് വെള്ളി മെഡലുകള്‍ ലഭിച്ചത്. സ്വീകരണത്തില്‍ കോര്‍പറേഷന്‍ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ഷാഹിന മൊയ്തീന്‍, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് ഒ.കെ വിനീഷ്, സ്‌കൂള്‍ മാനേജര്‍ പി. അബ്ദുല്ല, പ്രധാനധ്യാപകന്‍ പി.പി സുബൈര്‍, പി.സി അബ്ദുള്‍ റസാഖ്, കെ.എം കൃഷ്ണകുമാര്‍, പി. അബൂബക്കര്‍, ടി.ടി നൗഷാദ്, അസ്‌ലം, മുഹമ്മദ് അഷ്‌റഫ്, വി.കെ സജ്ജാദ്, എം. മുഫ്‌സീര്‍, സി.കെ അബ്ദുള്‍ റസാഖ് പങ്കെടുത്തു.