മലപ്പുറം: എല്‍.ഡി.എഫ് വേങ്ങര നിയമസഭാ മണ്ഡലം ഉപതെരഞ്ഞെടുപ്പ് കമ്മിറ്റി രൂപീകരണ കണ്‍വന്‍ഷന്‍ ഇന്ന് ചേരും. ഉച്ചക്ക് ശേഷം മൂന്നിന് വേങ്ങര ടൗണിലെ എ.പി.എച്ച് ഓഡിറ്റോറിയത്തില്‍ നടക്കുന്ന കണ്‍വന്‍ഷന്‍ സി.പി.എം സംസ്ഥാസെക്രട്ടറി കോടിയേരി ബാലകൃഷ്ണന്‍ ഉദ്ഘാടനംചെയ്യും.
സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍, മന്ത്രിമാരായ മാത്യു ടി തോമസ്, രാമചന്ദ്രന്‍ കടന്നപ്പള്ളി, എന്‍.സി.പി സംസ്ഥാന ആക്ടിങ് പ്രസിഡന്റ് ടി.പി പീതാംബരന്‍, ഐ.എന്‍.എല്‍ സംസ്ഥാന ജനറല്‍ സെക്രട്ടറി പ്രൊഫ. എ.പി അബ്ദുല്‍വഹാബ്, സി.എം.പി ജനറല്‍ സെക്രട്ടറി കെ.ആര്‍ അരവിന്ദാക്ഷന്‍, ആര്‍.എസ്.പി (കാര്‍ത്തികേയന്‍ വിഭാഗം) നേതാവ് സി.പി കാര്‍ത്തികേയന്‍ എന്നിവരും ജില്ലയിലെ നേതാക്കളും പങ്കെടുക്കും.