വടകര: കണ്ണൂക്കരയിലെ കാദംബരി ക്വാര്‍ട്ടേഴ്‌സില്‍ എക്‌സൈസ് സംഘം നടത്തിയ പരിശോധനയില്‍ രണ്ടുകിലോ കഞ്ചാവുമായി യുവാവ് പിടിയിലായി.
തലശ്ശേരി കൊടുവള്ളി മുണ്ടാണ്ടിപറമ്പില്‍ റെമിനെയാണ് (28) പിടികൂടിയത്.
രഹസ്യവിവരത്തെ തുടര്‍ന്നായിരുന്നു പരിശോധന. ബംഗളൂരുവില്‍നിന്ന് കൊണ്ടുവരുന്ന കഞ്ചാവ് കണ്ണൂക്കരയിലെ വാടക ക്വാര്‍ട്ടേഴ്‌സില്‍ താമസിച്ചു കച്ചവടം നടത്തി വരുകയായിരുന്നു.
ക്വാര്‍ട്ടേഴ്‌സില്‍നിന്നും ഇയാളുടെ കൈയില്‍ നിന്നുമാണ് കഞ്ചാവ് പിടികൂടിയത്. പരിശോധനക്ക് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ.കെ മുരളീധരന്‍, പ്രിവന്റീവ് ഓഫിസര്‍ കെ. ഷൈജു, സിവില്‍ എക്‌സൈസ് ഓഫിസര്‍മാരായ എന്‍.എസ് സുധീഷ്, ഷൈജു, കെ.എന്‍ ജിജു, ഉനൈസ്, എന്‍.എം പുഷ്പരാജന്‍ നേതൃത്വം നല്‍കി.