മലപ്പുറം: വേങ്ങര ഉപതെരഞ്ഞെടുപ്പുമായി ബന്ധപ്പെട്ട് എന്‍.ഡി.എ നടത്തുന്ന തെരഞ്ഞെടുപ്പ് കണ്‍വെന്‍ഷനില്‍ നിന്ന് വിട്ടുനില്‍ക്കാന്‍ ബി.ഡി.ജെ.എസ് തീരുമാനം. ഇതു സംബന്ധിച്ച് ബി.ഡി.ജെ.എസ് ജില്ലാ നേതൃത്വത്തിന് സംസ്ഥാന നേതൃത്വം നിര്‍ദ്ദേശം നല്‍കി.

എന്‍.ഡി.എ മുന്നണിയില്‍ നിന്നും നിരന്തരം അവഗണ നേരിടുന്നതില്‍ പ്രതിഷേധിച്ചാണ് ബഹിഷ്‌കരണമെന്നാണ് സൂചന. തെരഞ്ഞെടുപ്പ് പ്രചാരണ പരിപാടികളില്‍ പങ്കെടുക്കേണ്ടതില്ലെന്നും ബി.ഡി.ജെ.എസ് തീരുമാനിച്ചിട്ടുണ്ട്.

ഇന്ന് രാവിലെ 11 നാണ് എന്‍.ഡി.എ തെരഞ്ഞെടുപ്പ് കണ്‍വെന്‍ഷന്‍. ബി.ജെ.പി സംസ്ഥാന പ്രസിഡന്റ് കുമ്മനം രാജശേഖരന്‍ കണ്‍വെന്‍ഷന്‍ ഉദ്ഘാടനം ചെയ്യും.