കണ്ണൂര്‍: ശരീഅത്തും കോടതിയും എന്ന പ്രമേയത്തില്‍ എസ്.വൈ.എസ് ജില്ലാ കമ്മിറ്റി നടത്തുന്ന ശരീഅത്ത് സമ്മേളനം ഇന്ന് വൈകുന്നേരം നാലിന് കണ്ണൂര്‍ പഴയ ബസ് സ്റ്റാന്റ് യോഗശാല റോഡിലെ ജവഹര്‍ ഓഡിറ്റോറിയത്തില്‍ നടക്കും. പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാനം ചെയ്യും. ശരീഅത്തും കോടതിയും എന്ന വിഷയത്തില്‍ അബ്ദുസ്സമദ് പൂക്കോട്ടൂരും നീതി നിഷേധിക്കപ്പെടുന്ന റോഹിംഗ്യന്‍ ജനത എന്ന വിഷയത്തില്‍ നാസര്‍ ഫൈസി കൂടത്തായിയും പ്രസംഗിക്കും. സയ്യിദ് അസ്‌ലം തങ്ങള്‍, പ്രൊഫ. കെ. ആലിക്കുട്ടി മുസ്‌ലിയാര്‍, പി.കെ.പി അബ്ദുസ്സലാം മുസ്‌ലിയാര്‍, പി.പി ഉമര്‍ മുസ്‌ലിയാര്‍, മാണിയൂര്‍ അഹ്മദ് മുസ്‌ലിയാര്‍, ടി.എസ് ഇബ്രാഹിം മുസ്‌ലിയാര്‍, മലയമ്മ അബൂബക്കര്‍ ബാഖവി, അബ്ദുറഹ്മാന്‍ കല്ലായി, അഹ്മദ് തേര്‍ളായി പ്രസംഗിക്കും. തുടര്‍ന്ന് റോഹിംഗ്യന്‍ ജനതക്ക് വേണ്ടിയുള്ള പ്രത്യേക പ്രാര്‍ഥനക്ക് സയ്യിദ് മുഹമ്മദ് സ്വഫ്‌വാന്‍ കോയ തങ്ങള്‍ ഏഴിമല നേതൃത്വം നല്‍കും. പ്രവര്‍ത്തകര്‍ കൃത്യസമയത്ത് എത്തിച്ചേരണമെന്ന് നേതാക്കള്‍ അറിയിച്ചു.