പരപ്പനങ്ങാടി: കടല്‍പാറയില്‍ കുരുങ്ങി മത്സ്യബന്ധന വലകള്‍ തകര്‍ന്നു ലക്ഷങ്ങളുടെ നഷ്ടം. ടി.ആര്‍ റസാഖ് ലീഡറായ ലുലു വള്ളത്തിന്റെ വലകളാണ് കഴിഞ്ഞ ദിവസം തകര്‍ന്നത്. വലയിലുണ്ടായിരുന്ന മത്സ്യങ്ങളും കടലില്‍ ഒഴുകിപ്പോയി. ഇരുപതു ലക്ഷത്തോളം രൂപയുടെ നഷ്ടമാണ് കണക്കാക്കുന്നത്.
ജില്ലയിലെ വടക്കന്‍ മേഖലകളിലാണ് കടലില്‍ മത്സ്യത്തൊഴിലാളികള്‍ക്ക് ഭീഷണിയായി പാറകളുള്ളത്. കടലിനടിയിലെ പാറകള്‍ കാണാന്‍ കഴിയുന്ന സംവിധാനങ്ങള്‍ ഇല്ലതാനും. പൊട്ടിയവല തുന്നിക്കൂട്ടാന്‍ ആഴ്ചകളെടുക്കുമെന്നതിനാല്‍നാല്‍പതു പേര്‍ കയറുന്ന വള്ളത്തിലെ തൊഴിലാളികള്‍ പണിക്കുപോകാനാവാതെ പട്ടിണിയിലാകും.