കാഞ്ഞങ്ങാട്: ഉത്തമ സമൂഹത്തിനായി കൈകോര്‍ക്കണമെന്നു സമസ്ത സംസ്ഥാന പ്രസിഡന്റും കാഞ്ഞങ്ങാട് ഖാസിയുമായി സയ്യിദ് ജിഫ്രി മുത്തുക്കോയ തങ്ങള്‍. എസ്.കെ.എസ്.എസ്.എഫ് ഹോസ്ദുര്‍ഗ് കടപ്പുറം മീനാപ്പിസ്സ് ' സഹചാരി 2017' ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
മുഹമ്മദ് ഷെഫിക് അധ്യക്ഷനായി. കെ.ബി കുട്ടി ഹാജി, മൊയ്തു മൗലവി, ഷറഫുദ്ദിന്‍ കുണിയ, കെ.കെ ജാഫര്‍, കെ.ടി അബ്ദുള്‍ റഹ്മാന്‍, ഹസൈനാര്‍ മദനി, പി.കെ റഹ്മാന്‍ ഹാജി, പി.കെ അബ്ദുല്ല കുഞ്ഞി, ഹമീദ് സ്യാന്, അബ്ദുള്‍ റഹ്മാന്‍ സണ്‍ ലൈറ്റ്, എന്‍.കെ ആരിഫ് പി ഉമൈര്‍, ഹസൈനാര്‍ കൂളിക്കാട്, ബി പ്രകാശന്‍, മുഹമ്മദ് സിറാജ്, എം ഹുസൈന്‍ സംസാരിച്ചു.
രാവിലെ എസ്.കെ.എസ്.എസ്.എഫ് ജില്ലാ പ്രസിഡന്റ് താജുദ്ദീന്‍ ദാരിമി പതാക ഉയര്‍ത്തി.
മതപ്രഭാഷണ പരമ്പരക്കു തുടക്കം കുറിച്ചു ഖത്തീബ് മുഹമ്മദ് ഉസ്മാന്‍ പ്രാര്‍ഥന നടത്തി. വൈകുന്നേരം ഏഴിനു റഹ്മത്തുല്ല ഖാസിമി മുത്തേടം പ്രഭാഷണം നടത്തി. ഇന്നു നൗഷാദ് ബാഖവി ചിറയന്‍കീഴും നാളെ കീച്ചേരി അബ്ദുല്‍ ഗഫൂര്‍ മൗലവിയും പ്രഭാഷണം നടത്തും.
24നു സമീപ മഹല്ലുകളിലെ പണ്ഡിതന്മാരെ പങ്കെടുപ്പിച്ചു മജ്‌ലിസുന്നൂര്‍ ആത്മീയ സദസ് നടക്കും. തുടര്‍ന്ന് ദുഅ മജ്‌ലിസ് നടക്കും. സയ്യിദ് സഫ്‌വാന്‍ തങ്ങള്‍ നേതൃത്വം നല്‍കും.