തൃക്കരിപ്പൂര്‍: സംസ്ഥാന ഫ്‌ളഡ് ലിറ്റ് സോഫ്റ്റ് ബോള്‍ സെവന്‍സ് ക്രിക്കറ്റ് ടൂര്‍ണമെന്റിന് ഇളമ്പച്ചി മിനി സ്റ്റേഡിയത്തില്‍ ഒരുക്കങ്ങളായതായി സംഘാടകര്‍ വാര്‍ത്താസമ്മേളനത്തില്‍ അറിയിച്ചു. വിവിധ ജില്ലകളില്‍ നിന്നു പ്രമുഖരായ 40 ടീമുകള്‍ പങ്കെടുക്കും. അഞ്ചാം തവണയാണു ക്ലബ് നേതൃത്വത്തില്‍ ടൂര്‍ണമെന്റ് സംഘടിപ്പിക്കുന്നത്. ഡിജിറ്റല്‍ സ്‌കോര്‍ ബോര്‍ഡും കളിപറച്ചില്‍കാരും ഇത്തവണത്തെ പ്രത്യേകതയാണെന്നും വിജയികള്‍ക്ക് 30,000 രൂപയുടെ കാഷ് െ്രെപസും രണ്ടാം സ്ഥാനക്കാര്‍ക്ക് 20,000 രൂപ െ്രെപസും കൂടാതെ ട്രോഫികളും സമ്മാനിക്കുമെന്നും ഭാരവാഹികള്‍ പറഞ്ഞു.
23നു വൈകുന്നേരം അഞ്ചിനു രജിസ്‌ട്രേഷന്‍ പൂര്‍ത്തിയാക്കി ഏഴിനു മത്സരം ആരംഭിക്കും. ക്രിക്കറ്റ് വാര്‍ ചന്തേര എസ്.ഐ കെ.വി ഉമേശന്‍ ഉദ്ഘാടനം ചെയ്യും. ടി.എം മുസ്തഫ അധ്യക്ഷനാകും. ക്രിക്കറ്റ് അസോസിയേഷന്‍ ജില്ലാ സെക്രട്ടറി ചെമ്മനാട് കെ.ടി നിയാസ് ജേഴ്‌സി പ്രകാശനം നിര്‍വഹിക്കും. പഞ്ചായത്ത് അംഗങ്ങളായ എം. സൗദ, ടി.വി വിനോദ് കുമാര്‍ എന്നിവര്‍ സംബന്ധിക്കും. വാര്‍ത്താസമ്മേളനത്തില്‍ ടി.എം മുസ്തഫ, എം. റഫീഖ്, ടി.എം സിദ്ദീഖ്, വി.കെ.പി അബ്ദുള്‍ ജലീല്‍ സംബന്ധിച്ചു.