കാഞ്ഞങ്ങാട്: അജാനൂര്‍ ഗവ. ഫിഷറിസ് യു.പി സ്‌കൂളില്‍ 'സ്‌നേഹപൂര്‍വം സുപ്രഭാതം' പദ്ധതിക്കു തുടക്കമായി. സ്‌കൂളിലേക്ക് ഒരു വര്‍ഷത്തേക്കു പത്രം സ്‌പോണ്‍സര്‍ ചെയ്ത കെ.എസ് വിനോദന്‍ സ്‌കൂള്‍ ലീഡര്‍ അമൃതാ ഷാജിക്കു പത്രം നല്‍കി പദ്ധതി ഉദ്ഘാടനം ചെയ്തു. പി.ടി.എ പ്രസിഡന്റ് കെ.ജി സജീവന്‍ അധ്യക്ഷനായി. 'സുപ്രഭാതം' ജില്ലാ റിപ്പോര്‍ട്ടര്‍ വി.കെ പ്രദീപ് പദ്ധതി വിശദീകരണം നടത്തി.
പ്രധാനധ്യാപകന്‍ എ.ജി ശംസുദ്ദീന്‍, എ. ഹമീദ് ഹാജി, വികസന സമിതി പ്രസിഡന്റ് കെ. രാജന്‍, വികസന സമിതി ട്രഷറര്‍ എം.എം നാസര്‍, സീനിയര്‍ അസിസ്റ്റന്റ് വി. മോഹനന്‍, സ്റ്റാഫ് സെക്രട്ടറി നികേഷ് മാടായി, കെ. ആശ, മദര്‍ പ്രസിഡന്റ് എം. ബിന്ദു, സി. ഖദീജ, പി.വി ബിന്ദു, കെ. രാജീവന്‍, എം.വി രവീന്ദ്രന്‍, പി. രമ്യ, 'സുപ്രഭാതം' കാഞ്ഞങ്ങാട് ലേഖകന്‍ കെ. പ്രവീണ്‍ കുമാര്‍ സംസാരിച്ചു.