തിരുവനന്തപുരം: സി.പി.ഐ 23-ാം പാര്‍ട്ടി കോണ്‍ഗ്രസ് 2018 ഏപ്രില്‍ 25 മുതല്‍ 28 വരെ കൊല്ലത്ത് നടക്കുമെന്ന് ജനറല്‍ സെക്രട്ടറി എസ്. സുധാകര്‍ റെഡ്ഡി അറിയിച്ചു. ഇതിന് മുന്നോടിയായുള്ള ബ്രാഞ്ച് സമ്മേളനങ്ങള്‍ വിവിധ സംസ്ഥാനങ്ങളില്‍ ആരംഭിച്ചു കഴിഞ്ഞു. നവംബര്‍ മാസത്തില്‍ ലോക്കല്‍ സമ്മേളനങ്ങളും ഡിസംബര്‍ മാസത്തില്‍ മണ്ഡലം സമ്മേളനങ്ങളും ജനുവരിയില്‍ ജില്ലാ സമ്മേളനങ്ങളും ഫെബ്രുവരി, മാര്‍ച്ച് മാസങ്ങളില്‍ സംസ്ഥാന സമ്മേളനങ്ങളും പൂര്‍ത്തിയാക്കും.
ഇടത് ജനാധിപത്യ ഐക്യം ഊട്ടി വളര്‍ത്തുന്നതിനുള്ള കര്‍മ്മപരിപാടികള്‍ക്ക് സമ്മേളനങ്ങള്‍ രൂപം നല്‍കും.
ഒക്‌ടോബര്‍ വിപ്ലവത്തിന്റെ നൂറാം വാര്‍ഷികത്തോടനുബന്ധിച്ച് കൊല്‍ക്കത്തയില്‍ സി.പി.ഐ അന്തര്‍ ദേശീയ സെമിനാര്‍ സംഘടിപ്പിക്കും. ഒക്‌ടോബര്‍ 8,9,10 തിയതികളിലാണ് സെമിനാര്‍ നടക്കുക.