ബംഗളൂരു: മാധ്യമ പ്രവര്‍ത്തകയും ആക്ടിവിസ്റ്റുമായിരുന്ന ഗൗരി ലങ്കേഷിനെ വധിച്ച സംഭവത്തില്‍ പങ്കില്ലെന്ന് സനാതന്‍ സന്‍സ്ഥ. ഗൗരിയെ കൊലപ്പെടുത്തിയതിനു പിന്നില്‍ സംഘടനക്ക് ബന്ധമുണ്ടെന്ന ആരോപണം ശക്തമായ സാഹചര്യത്തിലാണ് വിശദീകരണവുമായി സംഘടനാ നേതാക്കള്‍ രംഗത്തെത്തിയത്.
ഗോവിന്ദ് പന്‍സാരെയുടെ കൊലപാതകവുമായി സാമ്യപ്പെടുത്തിയാണ് ഗൗരിയുടെ കൊലപാതകത്തിലും സനാതന്‍ സന്‍സ്ഥയുടെ പങ്കിലേക്ക് അന്വേഷണ സംഘം എത്തുന്നത്.
എന്നാല്‍ ഇത് ശരിയല്ലെന്ന് സംഘടനയുടെ ദേശീയ വക്താവ് ചേതന്‍ രാജ്ഹന്‍സ് പറഞ്ഞു.
ഗൗരിയുടെ കൊലപാതകത്തിലേക്ക് സംഘടനയെ വലിച്ചിഴക്കരുത്.
ഇടത് ബുദ്ധിജീവികളാണ് കൊലപാതകത്തിനു പിന്നില്‍ സനാതന്‍ സന്‍സ്ഥയാണെന്ന ആരോപണം ഉന്നയിക്കുന്നതെന്നും അദ്ദേഹം ആരോപിച്ചു.