ന്യൂഡല്‍ഹി: കാണാതായ വ്യോമസേനാ വിമാനം എ.എന്‍ 32ലെ യാത്രക്കാരില്‍ ആരും രക്ഷപ്പെടാന്‍ ഇടയില്ലെന്ന് കേന്ദ്രസര്‍ക്കാര്‍. രണ്ടു മലയാളികള്‍ ഉള്‍പ്പെടെ 29 പേരുമായി കാണാതായ വ്യോമസേനാ വിമാനം ജൂലൈ 22നാണ് കാണാതായത്. ചെന്നൈയിലെ താംബരത്ത് നിന്ന് ആന്‍ഡമാനിലെ പോര്‍ട്ട്‌ബ്ലെയറിലേക്കാണ് വിമാനം പോയത്. ബംഗാള്‍ ഉള്‍ക്കടലിന്റെ വിവിധ ഭാഗങ്ങളില്‍ വിമാനത്തിനായി തിരച്ചില്‍ നടത്തിയിരുന്നു.