തിരുവനന്തപുരം: ഈമാസം 27 ന് രാവിലെ 9.30 ന് തിരുവനന്തപുരം മെഡിക്കല്‍ കോളജ് കാംപസിലുള്ള മെഡിക്കല്‍ വിദ്യാഭ്യാസ ഡയറക്ടറേറ്റില്‍ ബി.ഫാം കോഴ്‌സിലേക്ക് സ്‌പോട്ട് അലോട്ട്‌മെന്റ് നടക്കും. സര്‍ക്കാര്‍ ഫാര്‍മസി കോളജുകളിലെ ഒഴിവുകളിലേക്കും മെരിറ്റ് സീറ്റുകള്‍ ഒഴിവുള്ള സ്വകാര്യ ഫാര്‍മസി കോളജുകളിലേക്കുമാണ് സ്‌പോട്ട് അലോട്ട്‌മെന്റ്. കേരള പ്രവേശന പരീക്ഷ കമ്മീഷണര്‍ പ്രസിദ്ധീകരിച്ചിട്ടുള്ള ബി.ഫാം പ്രവേശന പരീക്ഷയുടെ റാങ്ക് ലിസ്റ്റില്‍ നിന്നായിരിക്കും അലോട്ട്‌മെന്റ് നടത്തുന്നത്.
യോഗ്യത തെളിയിക്കുന്നതിനാവശ്യമായ പ്രോസ്‌പെക്ടസ് പ്രകാരമുള്ള അസല്‍ രേഖകളും, അസല്‍ ടി.സിയും ഹാജരാക്കുന്ന വിദ്യാര്‍ഥികളെ മാത്രമാണ് പരിഗണിക്കുന്നത്. അലോട്ട്‌മെന്റ് ലഭിക്കുന്ന വിദ്യാര്‍ഥികള്‍ സെപ്റ്റംബര്‍ 28 ന് തന്നെ ബന്ധപ്പെട്ട കോളജുകളില്‍ ഹാജരായി പ്രവേശനം നേടണം. വെബ്‌സൈറ്റ് ംംം.റാലസലൃമഹമ.ഴീ്.ശി.