HOME
DETAILS

കൊച്ചി സ്റ്റേഡിയം 25ന് ഫിഫക്ക് കൈമാറും

  
backup
September 23 2017 | 02:09 AM

%e0%b4%95%e0%b5%8a%e0%b4%9a%e0%b5%8d%e0%b4%9a%e0%b4%bf-%e0%b4%b8%e0%b5%8d%e0%b4%b1%e0%b5%8d%e0%b4%b1%e0%b5%87%e0%b4%a1%e0%b4%bf%e0%b4%af%e0%b4%82-25%e0%b4%a8%e0%b5%8d-%e0%b4%ab%e0%b4%bf%e0%b4%ab


കൊച്ചി: അണ്ടര്‍ 17 ലോകകപ്പ് വേദിയായ കൊച്ചി ജവഹര്‍ലാല്‍ നെഹ്‌റു അന്താരാഷ്ട്ര സ്റ്റേഡിയവും പരിശീലന മൈതാനങ്ങളും ഈ മാസം 25ന് ഫിഫക്ക് കൈമാറുമെന്ന് കായിക മന്ത്രി എ.സി മൊയ്തീന്‍. ഇതിന് മുന്‍പായി സ്റ്റേഡിയത്തിലെ എല്ലാ കടകളും ഒഴിപ്പിക്കും. വേദിയെ കുറിച്ചുണ്ടായിരുന്ന ആശങ്കകളെല്ലാം അകന്നു. എല്ലാ നവീകരണ പ്രവര്‍ത്തനങ്ങളും പൂര്‍ത്തീകരിച്ചു. പൂര്‍ണമായ തയ്യാറെടുപ്പുകളാണ് നടന്നത്. ഫിഫ നിര്‍ദേശിച്ച രീതിയിലുള്ള എല്ലാ സൗകര്യങ്ങളും സ്റ്റേഡിയത്തിലും നാല് പരിശീലന വേദികളിലും സജ്ജമാക്കിയിട്ടുണ്ട്. മത്സരങ്ങള്‍ക്കായി എത്തുന്ന ടീമുകള്‍ക്ക് നെടുമ്പാശേരി വിമാനത്താവളത്തില്‍ വന്‍ വരവേല്‍പ്പ് നല്‍കും. വിവിധ ആശുപത്രികളുമായി സഹകരിച്ച് താരങ്ങള്‍ക്ക് മികച്ച ചികിത്സാ സൗകര്യവും ഉറപ്പ് വരുത്തും.
ചാംപ്യന്‍ഷിപ്പിന്റെ പ്രചാരണ പരിപാടികള്‍ക്കായുള്ള ഒരുക്കങ്ങള്‍ പൂര്‍ത്തിയായിട്ടുണ്ട്. 27ന് സംസ്ഥാനത്ത് ഒട്ടാകെ വണ്‍ മില്യണ്‍ ഗോള്‍ പരിപാടി നടക്കും. പത്ത് ലക്ഷത്തിലധികം ഗോളുകളാണ് പ്രതീക്ഷിക്കുന്നത്. പ്രചാരണ പരിപാടിയുടെ ഭാഗമായി ഫുട്‌ബോള്‍, കായിക രംഗത്തെ പ്രമുഖര്‍ നേതൃത്വം നല്‍കുന്ന ബോള്‍ റണ്‍ ഒക്‌ടോബര്‍ മൂന്നിന് കളിയിക്കാവിളയില്‍ നിന്നും ദീപശിഖാ റാലി കാസര്‍ക്കോട് നിന്നും ആരംഭിക്കും. വിവിധ ജില്ലകളിലെ സ്വീകരണത്തിന് ശേഷം ആറിന് കൊച്ചിയില്‍ സംഗമിക്കും. നിയമസഭാ സാമാജികര്‍, സിവില്‍ സര്‍വിസ് ഉദ്യോഗസ്ഥര്‍, മാധ്യമ പ്രവര്‍ത്തകര്‍ എന്നിവര്‍ തമ്മിലുള്ള സെലിബ്രിറ്റി മത്സരവും ഇതോടനുബന്ധിച്ച് നടക്കും. ഭാവിയില്‍ കേരളത്തിലെ ഫുട്‌ബോള്‍ വികസനത്തിന് പ്രയോജനമാകുന്ന രീതിയിലുള്ള പ്രവര്‍ത്തനങ്ങളാണ് ലോകകപ്പുമായി ബന്ധപ്പെട്ട് നടത്തുന്നതെന്നും ഇതുമായി ബന്ധപ്പെട്ട പ്രവര്‍ത്തനങ്ങള്‍ക്കായി ഇതുവരെ വിവിധ ഏജന്‍സികള്‍ വഴി 43 കോടി രൂപ ചെലവഴിച്ചതായും മന്ത്രി അറിയിച്ചു.
ചാംപ്യന്‍ഷിപ്പിന്റെ സുരക്ഷ ക്രമീകരണവുമായി ബന്ധപ്പെട്ട് ഇന്ന് വൈകിട്ട് ആറിന് എറണാകുളം ഐ.ജി ഓഫിസില്‍ ഡി.ജി.പി ലോക്‌നാഥ് ബെഹ്‌റയുടെ നേതൃത്വത്തില്‍ ഉന്നതതല യോഗം ചേരും. ഫിഫയുടെ നിര്‍ദേശ പ്രകാരമുള്ള സുരക്ഷാ ക്രമീകരണങ്ങളാണ് പൊലിസ് ഒരുക്കുക. സുരക്ഷ പരിഗണിച്ച് മത്സര ദിവസങ്ങളില്‍ നേരത്തെ ടിക്കറ്റ് എടുത്തവര്‍ക്ക് മാത്രമായിരിക്കും സ്റ്റേഡിയത്തിലേക്ക് പ്രവേശനം. ടിക്കറ്റില്ലാത്തവരെ ഒരു കാരണവശാലും സ്റ്റേഡിയത്തിന്റെ സര്‍ക്കിള്‍ റോഡിലേക്ക് പോലും കയറ്റില്ല. വാഹനങ്ങള്‍ക്കും പ്രവേശന അനുമതിയുണ്ടാകില്ല. സ്റ്റേഡിയത്തിന്റെ പരിസര പ്രദേശങ്ങളിലായിരിക്കും പാര്‍ക്കിങ് സൗകര്യം.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."




No Image

എന്നും വയനാടിനൊപ്പം ഉണ്ടാകും,വയനാട്ടിലെ ജനങ്ങൾക്ക് വേണ്ടിയാണ് ഞാൻ പാർലമെന്റിലുള്ളത്; പ്രിയങ്ക ​ഗാന്ധി

Kerala
  •  13 days ago
No Image

യുഎഇ ദേശീയദിനം; സൗജന്യ ഡാറ്റ പ്രഖ്യാപിച്ച് എത്തിസാലാത്ത്

uae
  •  13 days ago
No Image

വനംവകുപ്പിന്റെ അനാസ്ഥ; കേഴമാൻ വാഹനം ഇടിച്ച് ചത്തു; വിവരമറിയിച്ചിട്ടും ആരും തിരിഞ്ഞ് നോക്കാതെ കേഴമാൻ റോഡിൽ കിടന്നത് മണിക്കൂറുകളോളം

latest
  •  13 days ago
No Image

സാമ്പത്തിക പ്രതിസന്ധി; കേരള കലാമണ്ഡലത്തില്‍ കൂട്ടപ്പിരിച്ചുവിടല്‍; ഉത്തരവിറക്കി വിസി

Kerala
  •  13 days ago
No Image

ജിസിസി ഉച്ചകോടി; കുവൈത്തിൽ നാളെ ഗതാഗത നിയന്ത്രണം

Kuwait
  •  13 days ago
No Image

ഫിൻജാൽ ചുഴലിക്കാറ്റ്; കേരളത്തിലെ 7 ജില്ലകളിൽ ഓറഞ്ച് അലർട്ട് പ്രഖ്യാപിച്ചു

Kerala
  •  13 days ago
No Image

വിവാഹാഭ്യര്‍ഥന നിരസിച്ചതില്‍ പക: കിളിമാനൂരില്‍ പെണ്‍കുട്ടിയുടെ അച്ഛനെ യുവാവ് തലയ്ക്കടിച്ചു കൊന്നു

Kerala
  •  13 days ago
No Image

ഗസ്സയുടെ ദാഹമകറ്റാന്‍ യുഎഇ; കുടിവെള്ള ശൃംഖല പുനസ്ഥാപിക്കാന്‍ പ്രാദേശിക ഭരണകൂടവുമായി കരാര്‍ ഒപ്പിട്ടു

uae
  •  13 days ago
No Image

ഫിന്‍ജാല്‍ ചുഴലിക്കാറ്റ്: കനത്ത മഴ തുടരുന്നു,ചെന്നൈ വിമാനത്താവളം ഇന്ന് തുറക്കില്ല

National
  •  13 days ago
No Image

താമസ നിയമങ്ങൾ പരിഷ്കരിക്കാൻ കുവൈത്ത്; അംഗീകാരം നൽകി അമീർ

latest
  •  13 days ago