കല്‍പ്പറ്റ: ഒക്‌ടോബര്‍ രണ്ടുമുതല്‍ എട്ടുവരെ ആചരിക്കുന്ന ഈ വര്‍ഷത്തെ വന്യജീവി വാരാഘോഷത്തോട് അനുബന്ധിച്ച് ജില്ലയിലെ സ്‌കൂള്‍, കോളജ് വിദ്യാര്‍ഥികള്‍ക്കായി നടത്തുന്ന മത്സരങ്ങള്‍ ഒക്‌ടോബര്‍ 2, 3 തീയതികളില്‍ കല്‍പ്പറ്റ എസ്.കെ.എം.ജെ സ്‌കൂളില്‍ നടക്കും.
എല്ലാ സര്‍ക്കാര്‍എയിഡഡ്അംഗീകൃത സ്വാശ്രയ സ്‌കൂളിലെയും, കോളജുകളിലെയും വിദ്യാലയത്തില്‍ നിന്നും മേലധികാരിയുടെ സാക്ഷ്യപത്രം സഹിതം രണ്ടു കുട്ടികള്‍ക്ക് വീതം ഓരോ ഇനത്തിലും പങ്കെടുക്കാം.
പ്ലസ് വണ്‍, പ്ലസ് ടു വിദ്യാര്‍ഥികളെ കോളജ് തലത്തിലാണ് പരിഗണിക്കുന്നത്.
മത്സര പരിപാടികളുടെ സമയക്രമം കൃത്യമായി പാലിക്കണം. കൂടുതല്‍ വിവരങ്ങള്‍ ജില്ലയിലെ സോഷ്യല്‍ ഫോറസ്ട്രി വിഭാഗം അസിസ്റ്റന്റ് കണ്‍സര്‍വേറ്ററുടെ ഓഫിസില്‍ നിന്നും ലഭിക്കും: 04936 202623.

ജില്ലാതല മത്സരങ്ങളുടെ സമയ വിവരം
രണ്ടിന് രാവിലെ ഒന്‍പതു മുതല്‍ രജിസ്‌ട്രേഷന്‍
9.30 മുതല്‍ 11.30 വരെ പെന്‍സില്‍ ഡ്രോയിങ്(എല്‍.പി, യു.പി, എച്ച്.എസ്, കോളജ്)
11.45 മുതല്‍ 12.45 വരെ ഉപന്യാസ മത്സരം(എച്ച്.എസ്, കോളജ്)
2.15 മുതല്‍ 4.15 വരെ വാട്ടര്‍ കളര്‍ പെയിന്റിങ്(എല്‍.പി, യു.പി, എച്ച്.എസ്, കോളജ്)
മൂന്നിന് 10 മുതല്‍ ഉച്ചക്ക് ഒന്നുവരെ ക്വിസ് മത്സരം (എച്ച്.എസ്, കോളജ്)
ഉച്ചയ്ക്ക് രണ്ടു മുതല്‍ വൈകിട്ട് നാലു വരെ പ്രസംഗ മത്സരം(എച്ച്.എസ്, കോളജ്)