ചെക്കിക്കുളം: ഫോട്ടോ ഫെസ്റ്റ് ഇന്ത്യ ഷോര്‍ട്ട് ഫിലിം സ്ത്രീസുരക്ഷ വിഭാഗത്തില്‍ ഒന്നാം സ്ഥാനം നേടിയ 'വി കേര്‍ഫുള്‍ വി ഹാപ്പി' എന്ന ചിത്രത്തിന്റെ സി.ഡി പ്രകാശനം ചെക്കിക്കുളം കൃഷ്ണപ്പിള്ള വായനശാലയില്‍  മുന്‍ മുഖ്യമന്ത്രി ഇ.കെ നായനാരുടെ ഭാര്യ പി ശാരദ ടീച്ചര്‍ ലൈബ്രറി കൗണ്‍സില്‍ ജില്ലാ സെക്രട്ടറി പി.കെ ബൈജുവിന് നല്‍കി നിര്‍വഹിച്ചു. സി സുകുമാരന്‍ അധ്യക്ഷനായി.
സംവിധായകന്‍ അനില്‍ ഒഡേസ, വായനാ മത്സരത്തില്‍ ഒന്നാംസ്ഥാനം നേടിയ പി.പി ശ്രീനന്ദ് എന്നിവര്‍ക്ക് ഇരിക്കൂര്‍ ബ്ലോക്ക് പഞ്ചായത്ത് പ്രസിഡന്റ് ടി വസന്ത ഉപഹാരം നല്‍കി. ടി വസന്തകുമാരി, വി കാര്‍ത്ത്യായനി, ജലീന, മുരളീധരന്‍, പി പ്രശാന്തന്‍ സംസാരിച്ചു.