കറാച്ചി: കപ്പല്‍വേധ മിസൈല്‍ വിജയകരമായി പരീക്ഷിച്ചതായി പാകിസ്താന്‍. പശ്ചിമ അറബിക്കടലില്‍ സീ കിങ് ഹെലികോപ്ടറില്‍നിന്നാണ് മിസൈല്‍ പരീക്ഷിച്ചതെന്ന് പാക് നാവികസേനാ അഡ്മിറല്‍ ചീഫ് മുഹമ്മദ് സകാഉല്ല വാര്‍ത്താക്കുറിപ്പില്‍ വ്യക്തമാക്കി. തന്റെ നേതൃത്വത്തിലായിരുന്നു പരീക്ഷണമെന്നും അദ്ദേഹം പറഞ്ഞു.
മിസൈല്‍ ലക്ഷ്യംകണ്ടതായി പാകിസ്താന്‍ അവകാശപ്പെട്ടു. പരീക്ഷണം രാജ്യത്തിന്റെ നാവികകരുത്ത് വര്‍ധിപ്പിക്കാനുദ്ദേശിച്ചുള്ളതാണ്. നാവികയുദ്ധത്തിനായുള്ള പാകിസ്താന്റെ മുന്നൊരുക്കം കൂടിയായി ഇതിനെ കരുതാമെന്നും നാവികസേനാ വക്താവ് സൂചിപ്പിച്ചു.