ബംഗളൂരു: വാഹന ഡ്രൈവര്‍മാരെ ട്രാഫിക് നിയമങ്ങള്‍ ഓര്‍മപ്പെടുത്തുന്നതിനായി ബംഗളൂരുവില്‍ പൊലിസിനെ സഹായിക്കാന്‍ ഹണിയെന്ന നായ എത്തി. നഗരത്തിലൂടെ ഹെല്‍മറ്റില്ലാതെയും സീറ്റ് ബെല്‍റ്റ് ധരിക്കാതെയും വാഹമോടിക്കുന്നവരെ കണ്ടാല്‍ കുരക്കും. ഇത് വാഹനമോടിക്കുന്നവര്‍ക്കുള്ള മുന്നറിയിപ്പാണ്. ട്രാഫിക് നിയമത്തെകുറിച്ച് ജനങ്ങളെ ബോധവല്‍ക്കരിക്കാന്‍ പ്രത്യേകം പരിശീലനം ലഭിച്ച നായയാണ് ഹണി. റോഡ് സുരക്ഷയെക്കുറിച്ച് പൊലിസ് തയാറാക്കിയ ഹ്രസ്വ ചിത്രത്തിലും ഹണി അഭിനയിച്ചിട്ടുണ്ട്.