അഷ്ഗബത്: ഭാരോദ്വഹനത്തില്‍ 18 വര്‍ഷം തകരാതെ നിന്ന ലോക റെക്കോര്‍ഡ് തിരുത്തിക്കുറിച്ച് ഇറാനിയന്‍ ഒളിംപിക് ചാംപ്യന്‍ സൊഹ്‌രബ് മൊറാദി. ഏഷ്യന്‍ ഇന്‍ഡോര്‍ ആന്‍ഡ് മാര്‍ഷ്യല്‍ ആര്‍ട്‌സ് ഗെയിംസിലാണ് താരത്തിന്റെ മിന്നും പ്രകടനം. 94 കിലോയില്‍ മത്സരിച്ച താരം മൊത്തം 413 കിലോ ഉയര്‍ത്തിയാണ് പുതിയ റെക്കോര്‍ഡിട്ടത്. 1999 ലെ ലോക ചാംപ്യന്‍ഷിപ്പില്‍ ഗ്രീസിന്റെ അകകിയോസ് കകിയാസ്‌വിലിസ് സ്ഥാപിച്ച 412 കിലോയുടെ റെക്കോര്‍ഡാണ് വഴി മാറിയത്.