2001ല്‍ ചാംപ്യന്‍മാരായതിന് ശേഷം കാല്‍പന്തുകളിയിലെ വമ്പന്‍മാരായ ലിറ്റില്‍ ബ്ലൂസ് എന്ന ഫ്രാന്‍സിന് കൗമാര ലോകകപ്പില്‍ തിരിച്ചടികളുടെ ചരിത്രം മാത്രമാണുള്ളത്. ലോകകപ്പിന് യോഗ്യത നേടുന്നത് ആറാം തവണ. ഫുട്‌ബോള്‍ പാരമ്പര്യം അവകാശപ്പെടാനുള്ള ടീം ക്വാര്‍ട്ടറില്‍ കാലിടറി വീഴുകന്നതാണ് 2001ന് ശേഷമുള്ള സ്ഥിരം കാഴ്ച. യൂറോപ്പിലെ മികച്ച ടീമുകളോട് പൊരുതിയാണ് ഇന്ത്യയിലേക്ക് വരുന്നത്. ഗ്രൂപ്പ് ഇയില്‍ ജപ്പാനും ഹോണ്ടുറാസും പുതുമുഖമായ ന്യൂ കാലിഡോണിയയുമാണ് എതിരാളികള്‍.