പനമരം: കഞ്ചാവുമായി യുവാവ് പിടിയില്‍. പനമരം എല്‍.പി സ്‌കൂളിന് സമീപത്ത് നിന്നുമാണ് പനമരം പൊലിസ് കഞ്ചാവുമായി കൊല്ലം കടയ്ക്കല്‍ ചാരുവിള പുത്തന്‍വീട് ഷാജി(38)യെ പിടികൂടിയത്. അഞ്ചുഗ്രാം കഞ്ചാവാണ് ഇയാളില്‍ നിന്ന് കണ്ടെടുത്തത്.

വാഫി ഫെസ്റ്റ് സി സോണ്‍: വെങ്ങപ്പള്ളി അക്കാദമിക്ക് മികച്ച വിജയം

വെങ്ങപ്പള്ളി: വാഫി ഫെസ്റ്റ് 2017ന്റെ ഭാഗമായി നടന്ന സിസോണ്‍ മത്സരങ്ങളില്‍ വെങ്ങപ്പള്ളി ശംസുല്‍ ഇസ്്‌ലാമിക് അക്കാദമി വിദ്യാര്‍ഥികള്‍ക്ക് മികച്ച വിജയം.
മലപ്പുറം അത്താണിക്കല്‍ എം.ഐ.സി കാംപസില്‍ ശനി, ഞായര്‍ ദിവസങ്ങളിലായിരുന്നു മത്സരം. മലപ്പുറം, കോഴിക്കോട്, വയനാട്, കണ്ണൂര്‍ ജില്ലകളിലെ വിവിധ കോളജുകള്‍ ഉള്‍പ്പെടുന്നതാണ് സി സോണ്‍. ആലിയ, ഊല തലങ്ങളിലായി സ്‌റ്റേജിന മത്സരങ്ങളാണ് ഇവിടെ നടന്നത്. ആലിയ വിഭാഗത്തില്‍ മലയാള പ്രസംഗം-അബൂബക്കര്‍ ആറാംമൈല്‍, ഇംഗ്ലീഷ് പ്രസംഗം-സിയാദ് തങ്ങള്‍ കുറ്റ്യാടി, പദപ്പയറ്റ് അറബി-ഫാഇസ്‌കുറ്റ്യാടി, പദപ്പയറ്റ്ഇംഗ്ലീഷ്- ഉബൈദ് പാലമുക്ക്, ട്രാന്‍സിലേഷന്‍ ഇംഗ്ലീഷ്-സിയാദ്തങ്ങള്‍-അജ്‌നാസ്, ട്രാന്‍സിലേഷന്‍ അറബി-സഫീഉല്ല-അജ്‌നാസ് എന്നിവരും, ഊലാവിഭാഗത്തില്‍ പ്രസംഗം ഇംഗ്ലീഷ്, പദപ്പയറ്റ് ഇംഗ്ലീഷ് എന്നിവയില്‍ അമീന്‍ വെള്ളേരി, പ്രസംഗം അറബി-മിദ്‌ലാജ് പേരിയ, പദപ്പയറ്റ് അറബി ശമീര്‍ ഞെര്‍ളേരി എന്നിവരും വിജയിച്ചു.
ജനറല്‍ വിഭാഗത്തില്‍ ഡിബേറ്റ്, ബുര്‍ദ ആലാപനം, സമൂഹഗാനം, മുശാഅറ എന്നീ ഇനങ്ങളിലും അക്കാദമി വിദ്യാര്‍ഥികള്‍ വിജയം നേടി. ഒക്ടോബര്‍ 15ന് വാഫി പി.ജി കാംപസില്‍ നടക്കുന്ന ഗ്രാന്റ് ഫെസ്റ്റില്‍ ഇവര്‍ മാറ്റുരക്കും. വിജയികളെ മാനേജ്‌മെന്റും സ്റ്റാഫും അനുമോദിച്ചു.