ഇരിട്ടി:പായം ഗ്രാമ പഞ്ചായത്ത് നടപ്പിലാക്കുന്ന സമ്പൂര്‍ണ മാലിന്യ സംസ്‌കരണ പദ്ദതിയുടെ ഉദ്ഘാടനം 14ന് നടക്കും.
ഇതിന്റെ ഭാഗമായി നടക്കുന്ന വിളംബര ഘോഷയാത്ര 14ന് വൈകിട്ട് മൂന്നിന് കുന്നോത്ത് സ്‌കൂള്‍ പരിസരത്തു നിന്നാരംഭിക്കും.ശേഷം വള്ളിത്തോട് ടൗണില്‍ നടക്കുന്ന പൊതുസമ്മേളനം അഡ്വ.സണ്ണി ജോസഫ് എം.എല്‍.എ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് കെ.വി സുമേഷ് പ്ലാസ്റ്റിക് ശേഖരണത്തിന്റെ ഉദ്ഘാടനവും, ജില്ലാ കലക്ടര്‍ ബി ബാലകിരണ്‍ ഒ.ഡി.എഫ് പ്രഖ്യാപനവും നടത്തും.
വാര്‍ത്താസമ്മേളനത്തില്‍ പായം പഞ്ചായത്ത് പ്രസിഡന്റ് എന്‍ അശോകന്‍, വികസന സ്റ്റാന്‍ന്റിങ്ങ് കമ്മറ്റി ചെയര്‍മാന്‍ വി.കെ പ്രേമരാജന്‍,പഞ്ചായത്തംഗങ്ങളായ കെ.കെ വിമല, പവിത്രന്‍ കരിപ്പായി, ടോം മാത്യു പങ്കെടുത്തു.