ചെന്നൈ: മുന്‍മുഖ്യമന്ത്രി ജയലളിതയുടെ മരണം സംബന്ധിച്ച് അന്വേഷണം നടത്താന്‍ റിട്ട. ഹൈക്കോടതി ജഡ്ജ് ജസ്റ്റിസ് എ. അറുമുഖസ്വാമിയെ നിയമിച്ചുകൊണ്ട് തമിഴ്‌നാട് സര്‍ക്കാര്‍ ഉത്തരവിട്ടു.
ജയയുടെ മരണത്തില്‍ ദുരൂഹതയുണ്ടെന്ന ആരോപണം നിലനില്‍ക്കുന്ന സാഹചര്യത്തിലാണ് അന്വേഷണത്തിന് റിട്ട. ജഡ്ജിയെ നിയോഗിച്ചുകൊണ്ട് സര്‍ക്കാര്‍ ഉത്തരവിട്ടത്. ഒരുമാസം മുന്‍പ് അന്വേഷണത്തിനായി റിട്ട. ജഡ്ജിയുടെ നേൃത്വത്തില്‍ കമ്മിഷനെ നിയോഗിക്കുമെന്ന് മുഖ്യമന്ത്രി എടപ്പാടി പളനിസാമി പ്രഖ്യാപിച്ചിരുന്നു.