തിരുവനന്തപുരം: ഈ വര്‍ഷത്തെ വള്ളത്തോള്‍ പുരസ്‌കാരത്തിന് കവിയും ഗാനരചയിതാവും മുഖ്യമന്ത്രിയുടെ പ്രസ് അഡൈ്വസറുമായ പ്രഭാവര്‍മ അര്‍ഹനായി. ശ്യാമമാധവം എന്ന കൃതിക്കാണ് പുരസ്‌കാരം. 1,11,111 രൂപയും ഫലകവും അടങ്ങുന്നതാണ് അവാര്‍ഡ്. ആര്‍. രാമചന്ദ്രന്‍ നായര്‍, പി.നാരായണകുറുപ്പ്, പ്രൊഫ. സി.ജി രാജഗോപാല്‍, ഡോ. എ.എം വാസുദേവന്‍ പിള്ള, ഡോ. നന്ത്യാത്ത് ഗോപാലകൃഷ്ണന്‍ എന്നിവരടങ്ങിയ ജഡ്ജിങ്ങ് കമ്മിറ്റിയാണ് കൃതി തെരഞ്ഞെടുത്തത്.
ശ്യാമമാധവത്തിന് 2016ലെ കേന്ദ്ര സാഹിത്യ അക്കാദമി പുരസ്‌കാരവും 2013ലെ വയലാര്‍ അവാര്‍ഡും ലഭിച്ചിരുന്നു. വള്ളത്തോളിന്റെ ജന്മദിനമായ ഒക്ടോബര്‍ 16ന് തിരുവനന്തപുരം തീര്‍ഥപാദ മണ്ഡപത്തില്‍ നടക്കുന്ന സാഹിതീയോത്സവത്തില്‍ പുരസ്‌കാരം നല്‍കും.