തലശ്ശേരി: പള്ളൂര്‍ ഇരട്ടപ്പിലാക്കൂല്‍ ബസ്റ്റോപ്പില്‍ വച്ച് 35 കുപ്പി മാഹി മദ്യവുമായ് യുവാവ് പൊലിസിന്റെ പിടിയിലായി. വിലങ്ങാട് കെട്ടില്‍ കോളനിയിലെ അനീഷി(23)നെയാണ് പള്ളൂര്‍ എസ്.ഐ ജയഗുരുനാഥന്‍ കസ്റ്റഡിയിലെടുത്തത്. പള്ളൂരില്‍ നിന്ന് മദ്യം വാങ്ങി ഇയാള്‍ നാട്ടില്‍ വില്‍പ്പന നടത്താന്‍ പോകുന്നതിനിടെയാണ് പിടിയിലായത്. കസ്റ്റഡിയിലെടുത്ത പ്രതിയെ മാഹി എക്‌സൈസിന്റെ ചുമതല വഹിക്കുന്ന റീജണല്‍ അഡ്മിനിട്രേറ്റര്‍ക്ക് മുമ്പില്‍ ഹാജരാക്കി. 10,000 രൂപ പിഴ അടക്കാന്‍ ആവശ്യപ്പെട്ടെങ്കിലും പിഴയടക്കാത്തതിനെത്തുടര്‍ന്ന് മാഹി മജിസ്‌ട്രേട്ട് കോടതിയില്‍ ഹാജരാക്കിയ പ്രതിയെ രണ്ടാഴ്ചത്തേക്ക് റിമാന്‍ഡ് ചെയ്തു.