മലപ്പുറം: എം.എസ്.പി ഫുട്‌ബോള്‍ അക്കാദമിക്ക് തുടക്കം. ആള്‍ ഇന്ത്യ ഫുട്‌ബോള്‍ ഫെഡറേഷന്‍(എ.ഐ.എഫ്.എഫ്)ന്റെ ടൂ സ്റ്റാര്‍ പദവിയോടെയാണ് പ്രൊഫഷണല്‍ ഫുട്‌ബോളില്‍ എം.എസ്.പി ഫുട്‌ബോള്‍ അക്കാദമി തുടങ്ങിയിരിക്കുന്നത്.
കേരളത്തില്‍ ഈ നേട്ടം കൈവരിക്കുന്ന ആറ് ടീമുകളില്‍ ഒന്ന്, അക്രഡിറ്റേഷന്‍ മാനദണ്ഡങ്ങളില്‍ ഉയര്‍ന്ന സ്‌കോര്‍ നേടിയ ടീം എന്നീ ഖ്യാതികളും പുതുതായി തുടങ്ങിയ ഫുട്‌ബോള്‍ അക്കാദമിക്ക് ഉണ്ട്. മലപ്പുറത്ത് നടന്ന ചടങ്ങ് മുന്‍ ഇന്ത്യന്‍ ക്യാപ്റ്റന്‍ ഐ.എം വിജയന്‍ ഉദ്ഘാടനം ചെയ്തു. വിജയനും മുന്‍ താരങ്ങളായ യു ഷറഫലി, കുരികേശ് മാത്യു എന്നിവരും ചേര്‍ന്നാണ് അക്കാദമി ലോഞ്ചിങ് നിര്‍വഹിച്ചത്. ഐ.എം വിജയനാണ് അക്കാദമിയിലെ കുട്ടികളെ പരിശീലിപ്പിക്കുന്നത്.