ഫറോക്ക്: ഗര്‍ഭിണിയെ അക്രമിച്ച സംഭവത്തില്‍ പൊലിസ് അന്വേഷണം ഊര്‍ജിതമാക്കി. കഴിഞ്ഞ ദിവസമാണ് നടുവട്ടത്ത് ഗര്‍ഭിണിയായ യുവതിക്കു നേരെ മുഖംമൂടി ധരിച്ച അജ്ഞാത സംഘം അക്രമം നടത്തിയത്. പുഞ്ചപ്പാടം നിലം ജസിവില്ലയില്‍ ജാസിറിന്റെ ഭാര്യ സാനിയ (27)ക്കു നേരെയാണ് അക്രമമുണ്ടായത്.
മകള്‍ ലിയാ ഹനാനെ രാവിലെ മദ്‌റസയിലാക്കി തിരികെവരുന്ന വഴി മുഖംമറച്ച് ബൈക്കിലെത്തിയ സംഘം അക്രമിക്കുകയായിരുന്നു. യുവതിയെ കടന്നുപിടിച്ച സംഘം കൈത്തണ്ടയില്‍ മുറിവേല്‍പ്പിച്ചു. ബഹളംകേട്ട് പരിസരത്തുള്ളവര്‍ എത്തിയപ്പോഴേക്കും അക്രമിസംഘം രക്ഷപ്പെട്ടിരുന്നു.
കഴിഞ്ഞ 18ന് രാത്രിയും യുവതിയുടെ വീട്ടിലെത്തി സമാനരീതിയില്‍ അക്രമണം നടത്തിയിരുന്നു.
ബേപ്പൂര്‍ എസ്.ഐ കെ.എച്ച് റെനീഷിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. സംഭവം നടന്ന പ്രദേശത്തെ മൂന്ന് സി.സി.ടി.വി ദൃശ്യങ്ങള്‍ പൊലിസ് പരിശോധിച്ചു. വിദഗ്ധ പരിശോധനയ്ക്കു ശേഷമേ വിശദവിവരം പറയാനാകൂവെന്ന് പൊലിസ് പറഞ്ഞു.