പരിയാരം: പരിയാരം മെഡിക്കല്‍ കോളജ് ആശുപത്രിയില്‍ സ്ഥാപിച്ച മൂന്ന് ഇ-ടോയ്‌ലറ്റുകള്‍ ആശുപത്രിയിലെത്തുന്നവരുടെ ഉപയോഗത്തിനായി തുറന്ന് കൊടുത്തു. കടന്നപ്പള്ളി-പാണപ്പുഴ ഗ്രാമപഞ്ചായത്ത് സമ്പൂര്‍ണ ശുചിത്വ പരിപാടിയുടെ 2015-16 വാര്‍ഷിക പദ്ധതിയില്‍ ഉള്‍പ്പെടുത്തിയാണ് പരിയാരം മെഡിക്കല്‍ കോളജ് ആശുപത്രിയില്‍ മൂന്ന് ഇ-ടോയ്‌ലറ്റുകള്‍ സ്ഥാപിച്ചത്. പരിയാരം മെഡിക്കല്‍ കോളജ് ചെയര്‍മാന്‍ എം.വി ജയരാജന്‍ ഉദ്ഘാടനം നിര്‍വഹിച്ചു. ഗ്രാമപഞ്ചായത്ത് പ്രസിഡന്റ് ഇ.പി ബാലകൃഷ്ണന്‍ അധ്യക്ഷനായി. തളിപ്പറമ്പ് ബ്ലോക്ക് പഞ്ചായത്തംഗം കെ മോഹനന്‍, കോളജ് മാനേജിങ് ഡയരക്ടര്‍ കെ രവി, ടി.വി സുധാകരന്‍, ഹെല്‍ത്ത് ഇന്‍സ്‌പെക്ടര്‍ എന്‍ സുരേഷ് സംസാരിച്ചു.