തൃക്കരിപ്പൂര്‍: സ്വാതന്ത്ര്യ ദിനാഘോഷത്തിന്റെ ഭാഗമായി ദലിത്ആദിവാസി വിഭാഗങ്ങള്‍ക്ക് ഐക്യദാര്‍ഢ്യം പ്രകടിപ്പിച്ച് തൃക്കരിപ്പൂര്‍ മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ നടക്കാവ് കോളനിയില്‍ കൂട്ടായ്മ സംഘടിപ്പിക്കും. 15 ന് രാവിലെ 10 നു പ്രിയദര്‍ശിനി മന്ദിര പരിസരത്ത് പ്രമുഖരെ പങ്കെടുപ്പിച്ച് നടത്തുന്ന കൂട്ടായ്മ വിജയിപ്പിക്കാന്‍ മണ്ഡലം കോണ്‍ഗ്രസ് കമ്മിറ്റി യോഗം രൂപം നല്‍കി.
ഡി.സി.സി.വൈസ് പ്രസിഡന്റ് അഡ്വ.കെ.കെ രാജേന്ദ്രന്‍ ഉദ്ഘാടനം ചെയ്തു. മണ്ഡലം പ്രസിഡന്റ് കെ.വി മുകുന്ദന്‍ അധ്യക്ഷനായി. ബ്ലോക്ക് കോണ്‍ഗ്രസ് പ്രസിഡന്റ് പി കുഞ്ഞിക്കണ്ണന്‍, ഡി.സി.സി.നിര്‍വാഹക സമിതി അംഗം പി.വി കണ്ണന്‍ മാസ്റ്റര്‍, ബ്ലോക്ക് പഞ്ചായത്ത് അംഗം സി രവി, കെ.പി ജയദേവന്‍, ടി സുരേഷ്, യു.കെ ഹരീശന്‍, കെ അശോകന്‍ പ്രസംഗിച്ചു.