ശ്രീനഗര്‍: കശ്മിരിലെ പൂഞ്ച്, ഭിംബര്‍ഗാലി മേഖലകളില്‍ പാക് സൈന്യത്തിന്റെ ആക്രമണം. പ്രകോപനമില്ലാതെയാണ് മോര്‍ട്ടാര്‍ ഷെല്ലുകളും മറ്റുമായി പാക് ആക്രമണം നടത്തിയത്. ഇന്നലെ രാവിലെ എട്ടോടെയായിരുന്നു ആക്രമണം.
എന്നാല്‍ ഇന്ത്യയുടെ ഭാഗത്തു നിന്നുള്ള കനത്ത തിരിച്ചടിയില്‍ പാക് സൈന്യം പിന്‍വാങ്ങിയതായി സൈനിക വക്താവ് അറിയിച്ചു. എന്നാല്‍ ഇടക്കിടെ ആക്രണം തുടരുകയാണെന്നാണ് വിവരം.
അതേസമയം ശ്രീനഗറിലെ പന്തചൗക്കിലെ ബസ്റ്റാന്റിനടുത്തുള്ള മാലിന്യ നിക്ഷേപ കേന്ദ്രത്തില്‍ സ്‌ഫോടനമുണ്ടായി. ഇതുസംബന്ധിച്ച് പൊലിസും സൈന്യവും അന്വേഷണം പ്രഖ്യാപിച്ചിട്ടുണ്ട്.