റിയാദ്: സഊദിയില്‍ വനിതകള്‍ക്ക് വാഹനമോടിക്കാന്‍ അനുമതി നല്‍കി കൊïണ്ടുള്ള സല്‍മാന്‍ രാജാവിന്റെ ഉത്തരവിനോട് പ്രശംസയുമായി ഐക്യ രാഷ്ട്ര സഭ. സഊദി ചരിത്രത്തില്‍ ഉണ്ടïായ നേരായ ഉത്തരവാണ് സഊദി ഭരണകൂടം ഇപ്പോള്‍ എടുത്തിരിക്കുന്നതെന്നും പരമ പ്രധാനമായ ചുവടുവയ്പ്പാണിതെന്നും ഐക്യ രാഷട്ര സഭാ സെക്രട്ടറി ജനറല്‍ അന്റോണിയോ ഗുട്ടെറസ് ട്വിറ്ററില്‍ വ്യക്തമാക്കി.
അമേരിക്കന്‍ പ്രസിഡന്റ് ഡൊണാള്‍ഡ് ട്രംപും സഊദി നീക്കത്തെ പ്രശംസിച്ചു രംഗത്തെത്തി. ഇത് സഊദി ചരിത്രത്തില്‍ രേഖപ്പെടുത്തുന്ന പോസിറ്റിവ് നടപടിയാണെന്ന് ട്രംപ് പറഞ്ഞു. സഊദി വനിതകള്‍ക്ക് ശരിയായ പാത തുറന്നു കൊടുത്തിരിക്കുകയാണെന്നും വൈറ്റ് ഹൗസ് പുറത്തുവിട്ട പ്രസ്താവനയില്‍ പറഞ്ഞു. ശക്തമായ നീക്കമെന്ന് യു.എസ് സ്‌റ്റേറ്റ് ഡിപ്പാര്‍ട്‌മെന്റ് വക്താവ് ഹെതര്‍ നൗര്‍ട്ട് പറഞ്ഞു.
അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ മകള്‍ മകള്‍ ഇവങ്കയും ആശംസയുമായി രംഗത്തെത്തി. ഡ്രൈവിങ് ലൈസന്‍സ് കരസ്ഥമാക്കാനുള്ള അനുമതി ലഭിച്ചത് സഊദി വനിതകള്‍ക്ക് ഇന്ന് ചരിത്ര ദിനമാണെന്നു ഇവര്‍ ട്വിറ്റര്‍ സന്ദേശത്തില്‍ പറഞ്ഞു. കൂടാതെ നിരവധി സ്വദേശി വനിതകളും സല്‍മാന്‍ രാജാവിനും ഭരണകൂടത്തിനും ആശംസയുമായി രംഗത്തെത്തി.