റിയാദ്: അടുത്ത വര്‍ഷം ആദ്യം മുതല്‍ നടപ്പാക്കുന്ന മൂല്യ വര്‍ധിത നികുതിയുടെ നിയമാവലിക്ക് സഊദി സകാത് ആന്‍ഡ് ഇന്‍കം ടാക്‌സ് അതോറിറ്റി അംഗീകാരം നല്‍കി. അതോറിറ്റി അംഗീകാരം നല്‍കിയ നിയമാവലി രാജ്യത്തെ ഔദ്യോഗിക ഗസറ്റായ ഉമ്മുല്‍ ഖുറ പത്രത്തില്‍ പ്രസിദ്ധീകരിച്ചിട്ടുണ്ടെണ്ടന്ന് അതോറിറ്റി വ്യക്തമാക്കി.
ഉല്‍പ്പന്നങ്ങളുടെ കയറ്റുമതി ഇറക്കുമതി, സേവനങ്ങള്‍, വില്‍പ്പന ചരക്കുകള്‍, രജിസ്‌ട്രേഷന്‍, തുടങ്ങിയവക്കാണ് വാറ്റ് ബാധകമാകുക. ഇതിനായി 12 ഖണ്ഡികകളിലായി 79 അനുച്ഛേദങ്ങളിലായാണ് നിയമായവലി പ്രസിദ്ധീകരിച്ചിരിക്കുന്നത്.
സഊദി ഉള്‍പ്പെടെയുള്ള ഗള്‍ഫ് രാജ്യങ്ങളില്‍ അടുത്ത വര്‍ഷം മുതല്‍ മൂല്യ വര്‍ധിത നികുതി നടപ്പിലാക്കും. ഇതോടെ ഭൂരിഭാഗം വസ്തുക്കള്‍ക്കും വാറ്റ് നിര്‍ബന്ധമാകും. ജ.സി.സി സാമ്പത്തിക സമിതിയുടെ നിര്‍ദേശ പ്രകാരമാണ് നീക്കം. ഇരട്ട നികുതി ഒഴിവാക്കാന്‍ അധികൃതര്‍ പ്രത്യേകം നിര്‍ദേശം നല്‍കുന്നുണ്ട്ണ്ട്. വാറ്റ് നടപ്പിലാക്കുന്നതോടെ സാമ്പത്തിക രംഗത്ത് കുതിച്ചു ചാട്ടം ഉണ്ടണ്ടാകുമെന്നാണ് ഗള്‍ഫ് രാജ്യങ്ങളുടെ കണക്കു കൂട്ടല്‍.