ബെര്‍ലിന്‍: പി.എസ്.ജിയോടേറ്റ കനത്ത തോല്‍വിക്ക് പിന്നാലെ ജര്‍മന്‍ കരുത്തരായ ബയേണ്‍ മ്യൂണിക്ക് കോച്ച് കാര്‍ലോസ് ആന്‍സലോട്ടിയെ പുറത്താക്കി. സീസണിലെ മോശം ഫോമിനെ തുടര്‍ന്ന് നേരത്തെ തന്നെ ആന്‍സലോട്ടിയുടെ സ്ഥാനത്തിന് ഭീഷണിയുണ്ടായിരുന്നു.
ഫ്രഞ്ച് ടീമിനെതിരായ ഞെട്ടിക്കുന്ന തോല്‍വി പുറത്താക്കല്‍ വേഗത്തിലാക്കി. സഹ പരിശീലകന്‍ വില്ലി സഗ്നോല്‍ ടീമിന്റെ താത്കാലിക കോച്ചിന്റെ സ്ഥാനം വഹിക്കുമെന്ന് ക്ലബ് കോച്ചിനെ പുറത്താക്കി സ്ഥിരീകരിച്ച കുറിപ്പില്‍ വ്യക്തമാക്കി.
അതേസമയം ബയേണ്‍ പുറത്താക്കിയതിന് പിന്നാലെ ഇറ്റാലിയന്‍ സീരി എ ടീം എ.സി മിലാന്‍ ആന്‍സലോട്ടിയെ കോച്ചായി പരിഗണിക്കുന്നതായി പുതിയ റിപ്പോര്‍ട്ടുകളുണ്ട്.