ശ്രീനഗര്‍: പ്രതിരോധമന്ത്രി നിര്‍മല സീതാരാമന്‍ രണ്ട് ദിവസത്തെ സന്ദര്‍ശനത്തിനായി ഇന്ന് കശ്മിരിലെത്തും. ശ്രീനഗര്‍, സിയാച്ചിന്‍ മേഖലകള്‍ സന്ദര്‍ശിക്കുന്ന മന്ത്രി സൈനിക മേധാവികളുമായി കൂടിക്കാഴ്ച്ച നടത്തും. കരസേനാ മേധാവി വിപിന്‍ റാവത്തും മന്ത്രിക്കൊപ്പമുണ്ടാവും. പ്രതിരോധമന്ത്രിയായി ചുമതലയേറ്റ ശേഷം ഇതാദ്യമായാണ് നിര്‍മല സീതാരാമന്‍ കശ്മിര്‍ സന്ദര്‍ശിക്കുന്നത്.

ഇന്ന് ശ്രീനഗറിലും നാളെ സിയാച്ചിന്‍ മേഖലയിലുമാണ് മന്ത്രി സന്ദര്‍ശനം നടത്തുക. സിയാച്ചിനിലെ സൈനികരുമായും സീതാരാമന്‍ കൂടിക്കാഴ്ച്ച നടത്തും.

മന്ത്രിയുടെ സന്ദര്‍ശനത്തോടനുബന്ധിച്ച് വന്‍ സുരക്ഷാ ്ക്രമീകരണങ്ങളാണ് കശ്മിരില്‍ ഒരുക്കിയിരിക്കുന്നത്.